Şəhidin xatirəsi məktəbdə anıldı - Fotolar
Bakı şəhəri Allahverdi Xəlilov adına 263 nömrəli tam orta ümumtəhsil məktəbində Şuşada şəhidlik zirvəsinə ucalan, qəhrəman mayor Vüsal Vəliyevin əziz xatirəsinə həsr olunmuş tədbir keçirilib.
“Qafqazinfo” xəbər verir ki, tədbirdə şəhid mayor Vüsal Vəliyevin qardaşı, filologiya üzrə fəlsəfə doktoru Əpoş Vəliyev, şəhid mayor Rasim Məmmədovun qardaşı Şahin Məmmədov, AMEA-nın əməkdaşı, şair Mahir Cavadlı, valideynlər, məktəbin müəllim və şagird kollektivi iştirak ediblər.
Tədbir çərçivəsində məktəbin 1“A” sinfinə şəhid mayor Vüsal Vəliyevin adı verilib.
Tədbir iştirakçılarına şəhidin həyatı və döyüş yolu haqqında məlumat verilib.
Bədii hissədə məktəblilərin ifasında şəhid mayor Vüsal Vəliyevin xatirəsinə həsr olunmuş şeirlər səsləndirilib, vətənpərvərlik mövzusunda mahnılar ifa olunub, həmçinin şagirdlərin hazırladıqları təsirli səhnəciklər nümayiş etdirilib. Çıxışlar və təqdimatlar tədbir iştirakçıları tərəfindən böyük maraq və rəğbətlə qarşılanıb.
Tədbirin rəsmi hissəsindən sonra qonaqlar məktəbdə yaradılmış “Şəhidlər lövhəsi”ni ziyarət edib, qəhrəmanların adını daşıyan sinif otaqlarına baxış keçiriblər. Sonda tədbir iştirakçıları bu unudulmaz gündən xatirə şəkilləri çəkdiriblər.
Son Xəbərlər
- 1
- 2
- 3
- 4
- 5
- 6
