Xəzər rayonunda 471 fərdi yaşayış evinə təbii qaz verildi - Foto

Xəzər rayonunda 471 fərdi yaşayış evinə təbii qaz verildi
Oxunma sayı: 1167

Dekabr 20-də Xəzər rayonu Binə qəsəbəsi, “Atçılıq” adlanan ərazidə Badam bağlarının ətrafındakı yeni yaşayış massivi üzrə layihənin birinci mərhələsi başa çatıb.

“Qafqazinfo” xəbər verir ki, bununla da 471 fərdi yaşayış evinə qaz verilib. Bu münasibətlə təşkil olunan tədbirdə “Azəriqaz” İstehsalat Birliyinin baş direktoru Ruslan Əliyev, Xəzər Rayon İcra Hakimiyyətinin başçısı Elşən Salahov, massivin sakinləri və qaz təsərrüfatı işçiləri iştirak ediblər. Çıxışlarda qeyd edilib ki, Bakı şəhəri və ətraf ərazilərdə bu il qazlaşma işlərinin icrasını özündə əks etdirən dövlət proqramı çərçivəsində 22 yaşayış massivində qaz çəkilişlərinə start verilib. Hazırda 6 massivdə mavi yanacağın verilişi təmin edilib, digərlərində isə son tamamlanma işləri aparılır.

Qeyd edək ki, bu gün qazla təmin olunan yeni yaşayış massivində qazlaşma işlərinin aparılması üçün 38735 metr uzunluğunda müxtəlif diametrli daşıyıcı və məhəllədaxili qaz xətləri çəkilib, fərdi qaz tənzimləyicisi və məişət tipli qaz sayğacları quraşdırılıb.






Daha tez məlumatlanmaq üçün yeni Facebook səhifəmizi