Yaponiyada kimyəvi maddələr daşıyan tanker çevrildi - Ekipaj üzvləri axtarılır
Yaponiyanın qərb sahillərində Cənubi Koreya bayrağı altında kimyəvi maddələr daşıyan tanker çevrilib.
“Qafqazinfo” xəbər verir ki, bu barədə BBC məlumat yayıb.
Qeyd olunub ki, ekipajın 5 üzvü hadisə nəticəsində itkin düşüb.
Məlumata görə, “KEOYOUNG SUN” adlı 870 tonluq tankerdən Şimonoseki sahillərində Mutsure adasının şimal-qərbində kömək çağırışı olunub.
O da bildirilib ki, tanker güclü külək və yüksək dalğalar səbəbindən çevrilib.
Hadisə zamanı yük gəmisində 8 İndoneziya, 2 Cənubi Koreya və 1 Çin vətəndaşı olmaqla ümumilikdə 11 ekipaj üzvü olub. Onlardan altısı xilas edilib.
Digər 5 nəfərin isə axtarışları davam edir.
Son Xəbərlər
- 1
- 2
- 3
- 4
- 5
- 6
