Daha bir yola bitum dağıldı - Video
Bakının 8 Noyabr prospektində sürücülər üçün təhlükəli vəziyyət yaranıb.
“Qafqazinfo”nun Oxu.az-a istinadən məlumatına görə, bitum maddəsini daşıyan “KamAZ” markalı avtomobilin yolda təkəri qırılıb və hadisə nəticəsində sözügedən maddə yola dağılıb.
Prospektdə sıxlıq yaranıb. Bundan başqa, avtomobilin qırılan təkəri də yolun ortasında qalıb. Bu da, sürücülər üçün əlavə problem yaradıb.
Qeyd edək ki, sözügedən ərazidə sürücülər üçün xəbərdarlıqla bağlı heç bir nişan qoyulmayıb.
Xatırladaq ki, aprelin 6-da Bakı şəhəri, Nizami rayonu ərazisində, metronun “Koroğlu” stansiyası yaxınlığında yük avtomobilinin aşması nəticəsində yola yanğıntəhlükəli bitum dağılmışdı.
