Afrika ölkəsində 2011-ci ilin gəlişi qeyd edilir
Afrika qitəsindəki Efiopiya 11 sentyabrda 2011-ci ilin gəlişini qeyd edəcəklər.
“Qafqazinfo” “Anadolu” agentliyinə istinadən xəbər verir ki, Günəşə əsaslanan Həbəşə təqvimi ilə işləyən Efiopiya sabah Yeni ili qeyd edəcək.
Paytaxt Əddis-Əbəbədə Yeni il mərasimləri ilə bağlı son hazırlıqlar aparılır. Ölkədə 11 sentyabr tarixi də qeyri-rəsmi iş günü elan edilib.
Hər il olduğu kimi bu il də məhkumlarla bağlı əfv sərəncamının verilməsi gözlənilir.
Qeyd edək ki, Həbəşə təqvimi Miladi təqvimdən 7 il 8 ay geridədir. Efiopiyada il 13 aydan ibarətdir. Hər biri 30 gün olan 12 ay, əlavə olaraq 5 və ya 6 günün olduğu 13-cü ay mövcuddur.
Gün isə 12 saatlıq iki hissədən ibarətdir. Günün birinci yarısı saat 06:00-da, ikinci yarısı isə 18:00-da başlayır.
Son Xəbərlər
- 1
- 2
- 3
- 4
- 5
- 6
