Zaqatalada ölümlə nəticələnən bədbəxt hadisə baş verib.
“Qafqazinfo” xəbər verir ki, Zaqatala şəhəri M.Müşviq küçəsindəki fərdi evdə yaşayan 1986-cı il təvəllüdlü Qurbanov Rəşad Fərhad oğlu dəm qazından boğularaq ölüb.
Belə ki, R.Qurbanov dünən gecə saat 01:50 radələrində yuyunmaq üçün axımlı su qızdırıcısının quraşdırıldığı hamam otağına keçib.
Səhər saat 06:30 radələrində isə Rəşadın atası Fərhad Qurbanov hamama daxil olarkən oğlunun orada öldüyünü görüb.
Faktla bağlı Zaqatala Rayon Prokurorluğunda araşdırma aparılır.