Azərbaycanda unikal cərrahi əməliyyat
Topçubaşov adına Elmi Cərrahiyyə Mərkəzindən “Qafqazinfo”ya daxil olan məlumata görə, Z. Dadaşova səhhətindəki problemlə əlaqədar Baki şəhərindəki özəl xəstəxanaların birində müayinə olunarkən, onda aorta kökünün, qalxan aortanın anevrizması və ciddi aortal requrgitasiya aşkar edilib. Ona Bakı şəhərindəki özəl xəstəxanalarda , həmçinin İran İslam Respublikasinda əməliyyatın 12 000-15 000 manata başa gələcəyi bildirilıb, xəstə isə buna maddi imkanı çatmadığından kömək üçün Səhiyyə Nazirliyinə müraciət edib. Səhiyyə Nazirliyi müaricətə operativ cavab verərək xəstəni müayinə və müalicə üçün M.Topçubaşov adına Elmi Cərrahiyyə Mərkəzinə gəndərıb. Əməliyyat üçün lazım olan çox bahalı ləvazimatların hamısı Səhiyyə Nazirliyi tərəfindən təmin edildikdən sonra, qeyd olunan cərrahi əməliyyat uğurla həyata keçrilib.
Məlumat üçün bildirək ki, əməliyyatı tibb üzrə fəlsəfə doktoru İlqar Heybətov icra edib. İ.Heybətov uzun müddət Səudiyyə Ərəbistanında ən qabaqcıl ürək cərrahlığı mərkəzlərində işləyib və zəngin təcrübə toplayıb. Onun dediyinə görə, belə mürəkkəb əməliyyatların icrası məhz son illərdə Mərkəzdə aparılan əsaslı təmir və yenidənqurma işlərindən sonra mümkün olmuşdur. Ölkə rəhbərliyinin səhiyyə sisteminə qayği və diqqəti sayəsində bu ğün ürək cərrahlığının təchizat və təminatı yüksək səviyyədədir. Gələcəkdə daha mürəkkəb əməliyyatların həyata keçirilməsi qarşıya məqsəd qoyulub.
Qeyd edək ki, Topçubaşov adına Elmi Cərrahiyyə Mərkəzinin nəzdindəki Ürək cərrahlığı şöbəsi 1979-cu ildən fəaliyyət göstərir və hal-hazırda Səhiyyə Nazirliyi tabeliyində olan, ödənişsiz ürək əməliyyatlarının icra edildiyi yeganə şöbədir.
Son Xəbərlər
- 1
- 2
- 3
- 4
- 5
- 6
