“Azərsilah” Müdafiə Sənayesi Holdinqi”nin Nizamnaməsi və strukturu təsdiqləndi

azersilah-mudafie-senayesi-holdinqinin-nizamnamesi-ve-strukturu-tesdiqlendi
Oxunma sayı: 2386

Nazirlər Kabineti “Azərsilah” Müdafiə Sənayesi Holdinqi Qapalı Səhmdar Cəmiyyətinin nizamnaməsinin, strukturunun və işçilərinin say həddini təsdiqləyib.

“Qafqazinfo” xəbər verir ki, bununla bağlı Baş nazir Əli Əsədov qərar imzalayıb.

Qərara əsasən, “Azərsilah” Müdafiə Sənayesi Holdinqi Qapalı Səhmdar Cəmiyyətinin işçilərinin say həddi 118 ştat vahidi müəyyən edilib.

Cəmiyyət silah istehsalının, ixracının və satışının təşkilini həyata keçirən, tabeliyində olan hüquqi şəxslərin vahid prinsiplər əsasında idarə edilməsi, fəaliyyətinin təkmilləşdirilməsi, onların maliyyə sabitliyinin və dayanıqlılığının yaxşılaşdırılması sahəsində işləri yerinə yetirən kommersiya hüquqi şəxsdir. Cəmiyyət Azərbaycan Respublikası Müdafiə Sənayesi Nazirliyinin tabeliyində fəaliyyət göstərir.