Bakı ilə İrəvan arasında normallaşma prosesini müzakirə etdilər
Rusiya və Azərbaycan xarici işlər nazirlərinin müavinləri Mixail Qaluzin və Elnur Məmmədov Bakı ilə İrəvan arasında ikitərəfli münasibətlər və normallaşma perspektivləri məsələlərini müzakirə ediblər.
“Qafqazinfo” xəbər verir ki, bu barədə Rusiya diplomatik departamentinin Moskvada keçirilən görüşün yekunlarına dair məlumatında qeyd olunub.
“Rusiya Federasiyası ilə Azərbaycan Respublikası arasında 22 fevral 2022-ci il tarixli müttəfiqlik qarşılıqlı fəaliyyət haqqında bəyannamənin müddəalarının həyata keçirilməsi üzrə gələcək birgə addımlar müzakirə edilib”, - məlumatda qeyd olunub.
Məmmədov və Qaluzin bir sıra regional və beynəlxalq mövzulardan, o cümlədən Cənubi Qafqazdakı işlərin hazırkı vəziyyəti və Azərbaycan, Ermənistan və Rusiya liderləri arasında üçtərəfli sazişlər toplusu əsasında Ermənistan-Azərbaycan münasibətlərinin normallaşması perspektivlərindən danışıblar.
Rusiya Xarici İşlər Nazirliyinin qeyd etdiyi kimi, görüş “Rusiya-Azərbaycan müttəfiqliyi və strateji tərəfdaşlıq ruhuna uyğun gələn ənənəvi dostluq və etimad mühitində” keçib.
Son Xəbərlər
- 1
- 2
- 3
- 4
- 5
- 6
