Britaniya İranın daxili işlər nazirinə sanksiya tətbiq etdi
Böyük Britaniya İranın daxili işlər naziri, briqada generalı İsgəndər Momeni başda olmaqla, ümumilikdə 11 subyektə qarşı (10 fiziki şəxs və 1 təşkilat) yeni sanksiyalar tətbiq edib.
“Qafqazinfo” “Reuters” agentliyinə istinadən xəbər verir ki, bu barədə Britaniya hökumətinin rəsmi saytında məlumat yerləşdirilib.
Sanksiya siyahısına daxil edilənlər arasında İranın daxili işlər naziri ilə yanaşı, ölkənin bir neçə yüksək rütbəli polis rəisi və hüquq-mühafizə orqanlarının əməkdaşları da var.
Britaniya Xarici İşlər Nazirliyinin bəyanatında bildirilir ki, bu addım İranda insan hüquqlarının ciddi şəkildə pozulması, dinc nümayişlərin zorakılıqla yatırılması və söz azadlığının məhdudlaşdırılmasına cavab olaraq atılıb. Sanksiyalar çərçivəsində siyahıdakı şəxslərin Britaniyadakı aktivləri dondurulub, onların ölkəyə girişinə qadağa qoyulub. Həmçinin, bu şəxslərin Böyük Britaniya yurisdiksiyasında olan şirkətlərdə rəhbər vəzifə tutması da qadağan edilib.
Xatırladaq ki, rəsmi London son aylarda İranın daxili proseslərinə və regional fəaliyyətlərinə görə Tehrana qarşı təzyiqləri artırıb. Yanvar ayı ərzində də Britaniya İranın raket və nüvə proqramı ilə əlaqəli olan bir neçə rəsmiyə qarşı bənzər məhdudiyyətlər tətbiq etmişdi.
Son Xəbərlər
- 1
- 2
- 3
- 4
- 5
- 6
