Ermənistan Silahlı Qüvvələrində kadr dəyişikliyi həyata keçirilib.
“Qafqazinfo” “Sputnik Ermənistan”a istinadən xəbər verir ki, Ermənistan Prezidenti Vaaqn Xaçaturyan general-mayor Artak Budaqyanı Ermənistan-Rusiya birləşmiş qoşun qruplaşmasının rəhbəri təyin edib.
Bununla yanaşı, polkovnik Artur Eronyanı Ermənistan Silahlı Qüvvələrinin Baş Qərargahının rəhbərinin müavini təyin edilib.
Eyni zamanda, Xaçaturyan digər fərmanı ilə general-leytenant Kamo Koçunçu Baş Qərargah rəhbərinin birinci müavini vəzifəsindən azad edib.
***
Xaçaturyan, həmçinin Karen Qriqoryan və Temur Şahnazaryanı Baş Qərargah rəisinin müavinləri təyin edib.
Bununla yanaşı, David Aleksanyan Ermənistan Silahlı Qüvvələrinin döyüş hazırlığı idarəsinin rəisi, Armen Seyranyan isə Ermənistan SQ-nin Strateji Planlaşdırma idarəsinin rəhbəri təyin edilib.