Gündəm olan avtobus sürücüsü barədə qərar verildi - Video

gundem-olan-avtobus-surucusu-barede-qerar-verildi
Oxunma sayı: 8107

Bakıda sərnişinləri yolda qoyub özü taksi ilə gedən avtobus sürücüsü işdən çıxarılıb.

“Qafqazinfo” xəbər verir ki, bu barədə “BakuBus” məlumat yayıb.

Məlumatda qeyd edilib ki, vəzifəsinin icrası zamanı yol verdiyi kobud pozuntular və bu pozuntuların sərnişinlər üçün doğurduğu mənfi nəticələr, eləcə də baş vermiş hadisənin “BakuBus”ın imicinə mənfi təsiri nəzərə alınaraq, Əmək qanunvericiliyinə uyğun olaraq, sürücü tutduğu vəzifəsindən azad edilib.

Qeyd edək ki, hadisə dekabrın 9-u gecə saatlarında baş verib. 5 nömrəli marşrut xətti üzrə hərəkət edən avtobusun sürücüsü avtobusu dayanacaqda saxlayıb, sərnişinləri düşürüb. Sürücü sərnişinlərə başqa bir avtobusun gələcəyini bildirib və ona minməyi tapşırıb.

Sonra sürücü avtobusun qapılarını açıq qoyaraq taksiyə əyləşib və gedib.