Ölkənin aparıcı gübrə istehsalçılarından olan “Humix” MMC 5–8 may tarixlərində Baku Expo Mərkəzində keçirilən Caspian Agro Week 2026 sərgisində yenilənmiş məhsul çeşidləri və müasir aqrar həlləri ilə çıxış edib.

Regionun ən böyük aqrar platformalarından biri olan sərgi kənd təsərrüfatı sahəsinin əsas iştirakçılarını — istehsalçıları, aqroholdinqləri, fermer təsərrüfatlarını, distribyutorları və sahə mütəxəssislərini bir araya gətirib. Bu il sərginin əsas mövzuları innovativ texnologiyalar, məhsuldarlığın artırılması, dayanıqlı əkinçilik və bitki mühafizəsində yeni yanaşmalar olub.

Aqrokimyəvi maddələrin, gübrələrin və bitki mühafizə vasitələrinin istehsalı üzrə ixtisaslaşan Humix MMC sərgidə aqrar sektor üçün səmərəli bitki bəsləmə və mühafizə həllərini təqdim edib. Şirkətin stendi geniş məhsul çeşidi, peşəkar təqdimatı və fermerlərin real ehtiyaclarına uyğun yanaşması ilə ziyarətçilərin diqqətini cəlb edib.

Sərgi çərçivəsində “Humix” MMC məhsuldarlığın artırılması, məhsul keyfiyyətinin yaxşılaşdırılması və təsərrüfatlarda risklərin azaldılmasına yönəlmiş həllərini nümayiş etdirib. Ziyarətçilərə müasir mineral və ixtisaslaşmış gübrələr, müxtəlif bitkilər üçün bitki mühafizə vasitələri, bitkilərin davamlılığını artıran aqrokimyəvi məhsullar və kompleks inkişafı dəstəkləyən qulluq vasitələri haqqında ətraflı məlumat verilib.

Tədbir günlərində şirkətin mütəxəssisləri fermerlər, aqrar şirkətlər və sektor nümayəndələri ilə görüşlər keçirib, sahədə mövcud çağırışları müzakirə edib və məhsuldarlığın artırılması üzrə praktik tövsiyələr təqdim ediblər. Bu görüşlər Humix-in yalnız məhsul təqdim edən istehsalçı deyil, həm də aqrar sahəyə bilik, təcrübə və texnoloji yanaşma qazandıran tərəfdaş olduğunu bir daha göstərib.

“Humix” MMC üçün Caspian Agro Week 2026-da iştirak yeni işgüzar əlaqələrin qurulması, tərəfdaşlıq imkanlarının genişləndirilməsi və beynəlxalq bazar iştirakçıları ilə təcrübə mübadiləsi baxımından mühüm platforma olub. Sərgi müddətində şirkət potensial tərəfdaşlar və distribyutorlarla bir sıra perspektivli görüşlər keçirib, həmçinin ziyarətçilər və sahə nümayəndələrindən müsbət rəylər alıb.

Şirkət təmsilçilərinin sözlərinə görə, bu gün aqrar sektor daha səmərəli, dayanıqlı və texnologiyaya əsaslanan həllərə ehtiyac duyur. Müasir gübrələrə, keyfiyyətli bitki mühafizə vasitələrinə və ekoloji məsuliyyətli yanaşmalara marağın artması “Humix” MMC-nin inkişaf strategiyası ilə üst-üstə düşür.

Caspian Agro Week 2026 sərgisində iştirak “Humix” MMC-nin yerli aqrar bazarda mövqeyini daha da gücləndirməklə yanaşı, şirkətin dayanıqlı kənd təsərrüfatı, yüksək məhsuldarlıq və müasir aqrotexnologiyaların tətbiqinə verdiyi önəmi bir daha nümayiş etdirib.

Əlaqə: +994502907130

Daha ətraflı: VİDEODA