İlhamə Quliyevanın oğlu həbs olunub? - Yenilənib
Mərhum xalq artisti İlhamə Quliyevanın oğlu Orxan Nadirov bu gün Binəqədi rayon 7-ci polis bölməsinin əməkdaşları tərəfindən saxlanılıb.
“Qafqazinfo”nun Lent.az-a istinadən verdiyi məlumata görə O.Nadirov Əliyev Səbuhi Bayram oğlunu şəxsi azadlığa çıxardacağına söz verərək, Əliyev Kənan və Umudov Mehmandan 75-80 min manat civarında pul alıb. Xalq artistinin oğlu daha sonra vədinə əməl etməyərək, pulu geri qaytarmaq istəməyib.
O, cinayət məcəlləsinin 178,2.4 maddəsi ilə ittiham olunur.
Faktla bağlı araşdırmalar davam etdirilir.
Qeyd edək ki, O.Nadirovun keçmiş dostu Vüqar Bəkirov bu ilin mayında müsahibəsində bu barədə danışmışdı. O, bildirmişdi ki, O.Nadirov bir neçə şəxsə pul borcludur və buna görə də barəsində Binəqədi Rayon Polis idarəsində iş gedir. V.Bəkirov onu da əlavə etmişdi ki, Orxan onun etibarından istifadə edərək bir neçə nəfərdən pul alıb.
Xatırladaq ki, əməkdar artist Firuzə İbadova da bir müddət öncə açıqlamasında O.Nadirovun ona borclu olduğunu deyib. Müğənni hətta bununla bağlı bir neçə aidiyyəti orqana müraciət etdiyini də açıqlayıb.
***
Orxan Nadirovun həyat yoldaşı Arifə Nadirova Ölkə.az-a açıqlamasında ərinin həbsi ilə bağlı yayılan xəbərlərin həqiqəti əks etdirmədiyini bildirib: “Orxan hazırda rayondadır. Yayılan xəbərlər isə yalandır”.
Son Xəbərlər
- 1
- 2
- 3
- 4
- 5
- 6
