“İrəvan” klubundan AFFA-ya çoxsaylı şikayətlər var
“İrəvan”la bağlı çox şikayətlər var. Ayrı-ayrılıqda bizə problemləri bildirənlər də olur”. Bunu “Qafqazinfo”ya açıqlamasında AFFA-nın mətbuat xidmətinin rəhbəri Elnur Məmmədli deyib.
Federasiya rəsmisi Birinci liqada mübarizə aparan “İrəvan” klubundan çoxsaylı şikayətlərin olması və AFFA-nın onlara vaxt verdiyi ilə bağlı yayılan xəbərlərə münasibət bildirib: “Komandada bir müddət işləmiş Azərbaycan yığmasının sabiq qapıçısı Aleksandr Jidkov da şikayət edib. Ümumilikdə bir neçə məsələ var. Amma Jidkovun problemi daha ciddidir. Onunla bağlı məsələyə yaxın 3-4 gündə aydınlıq gələcək”.
Qeyd edək ki, “İrəvan” klubu futbolçuların bir çoxunun maaşını vermədiyi üçün onlarla yolları ayırıb. Komandanı tərk edən oyunçuların əksəriyyəti də AFFA-ya apellyasiya şikayəti verib.
Son Xəbərlər
- 1
- 2
- 3
- 4
- 5
- 6
