Kerolayn Livitt vəzifədən gedir
ABŞ Prezidenti Donald Tramp Ağ Evin sözçüsü Kerolayn Livittin ayın sonunda vəzifəsindən ayrılacağını açıqlayıb.
“Qafqazinfo” xəbər verir ki, Tramp Livittin qərarını ailəsi və uşaqları ilə daha çox vaxt keçirmək istəyi ilə əlaqələndirib.
O, Livittin vəzifədən getdikdən sonra da əsas məsləhətçilərindən biri olaraq qalacağını və Respublikaçılar Partiyasında nüfuzlu səs kimi fəaliyyətini davam etdirəcəyini bildirib.
Tramp sosial media hesabında paylaşdığı açıqlamada Livittə təşəkkür edib və onun Ağ Evdə mühüm rol oynadığını vurğulayıb.
ABŞ prezidenti Livitti “tarixin ən yaxşı Ağ Ev sözçülərindən biri” adlandırıb.
Tramp bildirib ki, Livittin gedişindən sonra da onunla birlikdə siyasi fəaliyyətlərini davam etdirəcəklər və qarşıdakı ara seçkilərdə Respublikaçılar Partiyasının qələbəsi üçün çalışacaqlar.
28 yaşlı Kerolayn Livitt Trampın ikinci prezidentlik müddətinin əvvəlindən Ağ Evin sözçüsü vəzifəsini icra edirdi.
Livitt bu vəzifəyə gəldikdən sonra Ağ Evin tarixində ən gənc sözçülərdən biri kimi diqqət çəkmişdi.
Onun ayın sonunda vəzifəsini rəsmən tərk edəcəyi bildirilib.
Son Xəbərlər
- 1
- 2
- 3
- 4
- 5
- 6
