Polad Bülbüloğlu İsraildə 5 ağır əməliyyat keçiribmiş

polad-bulbuloglu-israilde-5-agir-emeliyyat-keciribmis
Oxunma sayı: 366

Millət vəkili, Xalq artisti Polad Bülbüloğlu son illər görmə qabiliyyətində üzləşdiyi problemlərdən danışıb və bununla bağlı İsraildə ağır əməliyyatlar keçirdiyini açıqlayıb.

“Qafqazinfo” xəbər verir ki, o bu barədə Təl-Əvivdə fəaliyyət göstərən “Sheinkin40” adlı “YouTube” kanalına müsahibəsində danışıb.

Bakıda baş tutan müsahibə zamanı millət vəkili bildirib ki, ABŞ, Rusiya və digər ölkələrdə görmə qabiliyyətində yaşadığı problemlərlə bağlı konsultasiyalarda olub. Lakin onun sözlərinə görə, yaşadığı problemlə bağlı ona ən çox töhvə verən İsrail səhiyyəsi olub: “Mən orada 5 ağır əməliyyat keçirdim. Onlardan 4-ü Hayfada, 1-i isə Təl-Əvivdə baş tutub. Orada çox böyük diqqət və qayğı hiss edirdim. Onlar sayəsində bu gün sizin qarşınızdayam və sizi görürəm”.