Lotereyada ikinci dəfə 1 milyon qazandılar - Fotolar
Uelsdə 49 yaşlı kuryer Riçard Devis və 43 yaşlı həyat yoldaşı Fey Stevenson-Devis Milli Lotoreyanın qalibi olublar.
“Qafqazinfo” “Metro” nəşrinə istinadən xəbər verir ki, cütlük lotereyada 1 milyon funt sterlinq (təxminən 2 273 500 AZN) qazanıb.
Məsələnin maraqlı tərəfi isə onların belə uğuru ikinci dəfə qazanmalarıdır. Belə ki, cütlük ilk dəfə 2018-ci ildə lotereyada 1 milyon funt sterlinq udublar.
Mütəxəssislər belə bir təsadüfün ehtimalını 24 trilyonda 1 kimi qiymətləndirirlər.
Cütlük bu qeyri-adi hadisəni nikbin düşüncə ilə əlaqələndirib. Onlar təkrar qazanmaq ehtimalının az olduğunu anlasalar da, inamlarını itirmədiklərini bildiriblər.
Qeyd edək ki, 2018-ci ildə lotereyanı udduqdan sonra cütlük avtomobillərini xeyriyyə məqsədləri üçün verib, yerli reqbi komandasına mikroavtobus bağışlayıb, dostlarına və qohumlarına maddi yardım göstəriblər. Bu dəfə ər-arvad qərar verməkdə tələsməyəcəklərini və sadəcə hər anın dadını çıxarmaq istədiklərini bildiriblər.
Son Xəbərlər
- 1
- 2
- 3
- 4
- 5
- 6
