Maksimdən Elvin Cəfərquliyevlə bağlı maraqlı açıqlama - Video
“Qarabağ”ın və Azərbaycan yığmasının sabiq futbolçusu Maksim Medvedev keçmiş komanda yoldaşları Rəşad Sadıqov və Elvin Cəfərquliyevdən danışıb.
“Qafqazinfo” xəbər verir ki, yutubda yayımlanan “Off Top” podkastında qonaq olan keçmiş müdafiəçi milli komandanın nəticələrindən də danışıb.
O, əvvəlcə yığmada təcrübəli və liderlik edəcək futbolçuya ehtiyac olduğunu, zamanından bunu Rəşad Sadıqovun etdiyini bildirib: “Bizdə lider çatışmır. Məsələn, əvvəllər Rəşad Sadıqov yığmanın lideri idi və sözünü deyirdi. Kimsə səhv edəndə onu sərt söhbətlərlə başa salırdı. Paltadəyişmə otağında Rəşad həmişə böyüklüyünü göstərirdi”.
M.Medvedev “Qarabağ”ın və yığmanın üzvü Elvin Cəfərquliyev barədə də maraqlı açıqlama verib: “Elvini mən çox yaxşı bilirəm. Onun fərdi xüsusiyyətləri var və maraqlı insandır. Bəzən görürsən ki, baş məşqçi onu etdiyi səhvə görə danlayır, növbəti gün yenə eyni səhv təkrarlayır. Fikirləşirdik ki, bunu bilərəkdən edir, ya xasiyyəti belədir? Əvvəlcə, özüm düşünürdüm ki, bilərək edir. Çox rahat qırmızı vərəqələr alır. Bunu yığışdırmalıdır”.
Son Xəbərlər
- 1
- 2
- 3
- 4
- 5
- 6
