Bakı Metropoliteninin “Nəriman Nərimanov” stansiyasında insident baş verib.
“Qafqazinfo” xəbər verir ki, noyabrın 2-si, saat 8 radələrində qatarda sıxlıq olarkən gənc oğlan 2000-ci il təvəllüdlü Ş.Fətullayevə (şərti soyadlı) qarşı əxlaqsız hərəkətlər edib. 22 yaşlı qız həmin şəxsə irad bildirdikdə mübahisə baş verib və o, qızı yumruqla vuraraq oradan uzaqlaşıb.
Həmçinin oxuyun: Скончался Фазиль Мамедов
Hadisədən sonra Ş.Fətullayeva qatarı tərk edərək metroda xidmət aparan polis əməkdaşlarına müraciət edib.
Ş.Fətullayeva “Qafqazinfo”ya açıqlamasında bildirib ki, ona qarşı nalayiq hərəkətlər edən şəxs təxminən 24-25 yaşında olub: “Mən ona irad bildirəndə yumruqla vurmağa başladı, dərhal polisə müraciət etdim, gedib şikayət ərizəsi yazdım. Həmçinin tibbi ekspertizadan keçdim. Hələlik həmin şəxs tutulmayıb”.
Faktla bağlı əməliyyat-axtarış tədbirləri həyata keçirilir.
***
DİN-in Mətbuat Xidmətinin əməkdaşı Nurlan Əliyev “Qafqazinfo”nun sorğusuna cavab olaraq bildirib ki, “Nəriman Nərimanov” stansiyasında baş vermiş hadisə ilə əlaqədar Bakı Metropoliteninin Polis Şöbəsində araşdırma aparılır: “Xəsarət yoxdur, mübahisə tərəflər arasında yaranan anlaşılmazlıqdan qaynaqlanıb. Araşdırmaların nəticəsindən asılı olaraq əmələ hüquqi qiymət veriləcək”.
Nizam Rza