Piyadanı vuran avtomobil yük maşınına çırpıldı - Ölən və yaralanan var
Dünən saat 21 radələrində Sumqayıtda ağır yol qəzası baş verib.
“Qafqazinfo” xəbər verir ki, Ramazan Həsənov idarə etdiyi “Mercedes ML 320” markalı avtomobillə Bakı-Quba magistralının Sumqayıtdan keçən hissəsində piyada Samiq Fərhad oğlu Abdullayevi vurub.
Daha sonra maşın idarəetmədən çıxaraq “MAN” markalı yük avtomobilinin yarımqoşqusuna çırpılıb. Nəticədə “Mercedes”də sərnişin qismində əyləşmiş 1986-cı il təvəllüdlü Ruslan İsmayıl oğlu Rzayev almış olduğu xəsarətlərdən hadisə yerində ölüb.
Piyada isə ağır xəsarətlərlə xəstəxanaya çatdırılıb.
Faktla bağlı Sumqayıt ŞPİ-nin İŞ-də CM-in 263.2-ci maddəsi ilə cinayət işi başlanaraq istintaq aparılır.
Son Xəbərlər
- 1
- 2
- 3
- 4
- 5
- 6
