Prezident sakinlərdən məktubları bir-bir aldı... - Video
Xəbər verdiyimiz kimi, prezident İlham Əliyev dünən Ağsu rayonuna gedib. Ölkə başçısı sakinlərlə görüşüb, onlarla söhbət edib. Prezident Ağsu sakinlərinin ərizələrini qəbul edib.
"Qafqazinfo" xəbər verir ki, daha sonra ölkə başçısı çıxış edib:
"Ağsuda baş vermiş zəlzələ ilə əlaqədar müvafiq göstərişlər verilib. Dağılmış evlərin yerində artıq bu gün yeniləri tikilir. Bütün dağılmış evlər qısa müddət ərzində yenidən tikiləcək, qəzalı evlər əsaslı şəkildə təmir olunacaq. Mən bu gün gəlmişəm ki, işlərə özüm nəzarət edim, müvafiq göstərişlər verim və sizinlə görüşüm. Burada mənə verilən məktubların hər birinə baxılacaq. Narahat olmayın, zəlzələdən uçan bütün evlər yenidən tikiləcək. Mən gəlmişəm ki, problemləri həll edim. Mənim işim sizə xidmət etməkdir. Mən öz vəzifəmi bunda görürəm. Prezident kimi həmişə çalışmışam ki, Azərbaycan xalqına ləyaqətlə xidmət edim. Vətəndaşları narahat edən problemlərin həlli üçün bütün lazımi addımlar atılacaq".
Son Xəbərlər
- 1
- 2
- 3
- 4
- 5
- 6
