Qalata qülləsi təmirə bağlanır

qalata-qullesi-temire-baglanir
Oxunma sayı: 1025

Türkiyənin Qalata qülləsi zəlzələyə qarşı gücləndirmə və çöl təmir işləri ilə əlaqədar fevralın 23-dən etibarən bir ay müddətinə ziyarətçilər üçün bağlı olacaq.

“Qafqazinfo” xəbər verir ki, bu haqda Türkiyənin Mədəniyyət və Turizm Nazirliyi açıqlama yayıb.

Bildirilib ki, qüllənin 8-ci mərtəbəsi 2023-cü ilin noyabr ayında dam örtüyünün təmiri ilə əlaqədar ziyarətçilərə bağlanıb. Proses zamanı qüllənin son hissəsinin konservasiyası başa çatdırılıb və dünən yerinə qoyulub. Georadar tədqiqatları binanın əsas divarlarında və döşəməsində aparılıb.

Müəyyən edilmiş detallara uyğun olaraq qüllənin xarici görünüşü də təmir olunacaq. Bərpa işləri zamanı qüllənin əsas divarlarındakı 400-ə yaxın köçəri quş yuvası zədələnməyəcək.