Almaniya kansleri Olaf Şolts İsrailin Baş naziri Binyamin Netanyahu ilə İsrail-Fələstin münaqişəsi ilə bağlı telefon danışığı aparıb.
“Qafqazinfo” xarici KİV-ə istinadən xəbər verir ki, bu haqda Almaniya hökumətinin sözçüsü Steffen Hebestreit açıqlama yayıb.
Netanyahu Şoltsu İsraildəki vəziyyət və İsrail ordusunun Qəzza zolağında HƏMAS-a qarşı əməliyyatı barədə məlumatlandırıb.
Şolts Qəzza zolağında mülki şəxslərin qorunmasının və insanlara humanitar yardımın göstərilməsinin vacibliyini vurğulayıb.
O, ilk dəfə yaralıların müalicə üçün Rəfah nəzarət-buraxılış məntəqəsindən Misirə aparıldığını məmnuniyyətlə qarşıladığını, hökumətinin Qəzza və bölgə xalqına humanitar yardım göstərdiyini bildirib.
Şolts və Netanyahu münaqişənin yayılmasının qarşısını almaq üçün birlikdə işləmək barədə razılığa gəliblər.