“Sonalar Sonası” restoranını cərimə gözləyir
Bakının Binəqədi rayonunda yerləşən “Sonalar Sonası” restoranı məhkəməyə verilib.
“Qafqazinfo”nun məlumatına görə, restoran rəhbərliyi İnzibati Xətalar Məcəlləsinin 233.1-ci maddəsinin tələblərini pozub.
İttihama görə, restoran tərəfindən ətraf mühitə atılan zərərli maddələrin miqdarı yol verilə bilən normativlərdən artıq olub. Bu maddəyə görə vəzifəli şəxslər 2 500 manatdan 4 000 manatadək məbləğdə, hüquqi şəxslər 10 500 manatdan 12 500 manatadək məbləğdə cərimə edilir.
İşə Binəqədi Rayon Məhkəməsində hakim Aygün Qurbanovanın sədrliyi ilə baxılacaq.
Emin Səfərov
Son Xəbərlər
