Söyüdlüdə sakinlərlə görüş keçirilir - Yenilənib

soyudlude-sakinlerle-gorus-kecirilir
Oxunma sayı: 2772

Gədəbəy rayonunun Söyüdlü kəndində tullantıxana sahəsində monitorinqlərin aparılması və mövcud vəziyyətin qiymətləndirilməsi məqsədilə yaradılmış Komissiyanın üzvlərinin kənd sakinləri ilə növbəti görüşü keçirilir.

“Qafqazinfo” xəbər verir ki, görüş çərçivəsində “Micon” Beynəlxalq Monitorinq Şirkətinin apardığı monitorinqin nəticələri təqdim olunur.

Qeyd edək ki, Komissiyanın sədri ekologiya və təbii sərvətlər naziri Muxtar Babayevdir. Komissiyanın tərkibinə Dövlət Su Ehtiyatları Agentliyinin sədri, səhiyyə nazirinin müavini, fövqəladə hallar nazirinin müavini, kənd təsərrüfatı nazirinin müavini, Nazirlər Kabineti Aparatının Sənaye və energetika şöbəsinin müdiri, İqtisadiyyat Nazirliyi yanında Əmlak Məsələləri Dövlət Xidmətinin rəisi və Gədəbəy Rayon İcra Hakimiyyətinin başçısı daxildir.

***

“Micon” Beynəlxalq Monitorinq Şirkəti Gədəbəyin Söyüdlü kəndində tullantıxana sahəsində apardığı monitorinq zamanı 20 nöqtədə 20 yeraltı su nümunəsi götürüb. Məlum olub ki, suda codluq, bulanıqlıq normadan artıq və suda həll olmuş oksigen normadan az olub. Ağır metallardan dəmir, mis, sink, nikel və manqan normadan yüksək olub”.

Bunu ekologiya və təbii sərvətlər naziri Muxtar Babayev "Micon" Beynəlxalq Monitorinq Şirkətinin Gədəbəy Qızıl mədəninin istismarı zamanı əmələ gələn tullantıların idarə edilməsi ilə əlaqədar sağlamlıq, təhlükəsizlik və ətraf mühit problemlərinin ekspertiza hesabatının sakinlərlə görüşdə təqdimatı zamanı deyib.

Nazir bildirib ki, 18 nöqtədə 18 yerüstü su nümunəsi götürülüb və təhlil nəticəsində codluq və bulanıqlığın, o cümlədən metalların normadan xeyli yüksək olması müəyyən edilib.

"Havanın keyfiyyəti, səs-küy və radiasiya fonunun monitorinqi məqsədilə 8 nöqtədən 8 nümunə götürülüb və təhlil nəticəsində bütün parametrlər üzrə göstəricilərin norma daxilində olması aşkarlanıb.

Bundan əlavə, 32 nöqtədə 32 torpaq nümunəsi götürülüb. Bütün göstəricilər norma daxilində müəyyən edilsə də, yalnız metallar yüksək göstəricilərlə xarakterizə olunub. Torpaq və su analizlərində metalların çox olması ərazinin filizləşmə xüsusiyyətləri ilə izah olunur", - deyə M.Babayev qeyd edib.