Tramp qətlə yetiriləcəyi təqdirdə - “İran məhv ediləcək”
ABŞ Prezidenti Donald Tramp bildirib ki, İran tərəfindən sui-qəsdə uğrayacağı təqdirdə İslam Respublikasına qarşı hərbi zərbələrin endirilməsi ilə bağlı əvvəlcədən göstəriş verib.
“Qafqazinfo” xəbər verir ki, ABŞ lideri bu sözləri “New York Post”a müsahibəsində deyib.
“Əgər bunu etsələr, məhv olacaqlar. Artıq göstəriş vermişəm. Əgər bu baş versə, onlar misli görünməmiş formada bombalanacaqlar”, – deyə Tramp bildirib.
Onun sözlərinə görə, göstərişlər əvvəlcədən hazırlanıb və mümkün sui-qəsd halında dərhal icra olunmalıdır.
Qeyd edək ki, daha əvvəl ABŞ və İsrail rəsmiləri İranın Trampa qarşı mümkün sui-qəsd planı hazırladığı barədə iddialar səsləndirmişdilər. İran isə bu ittihamları rədd edir.
Son Xəbərlər
- 1
- 2
- 3
- 4
- 5
- 6
