UEFA Avropa Liqasının qrup mərhələsində “Qarabağ”ın rəqibi olan Almaniyanın “Bayer” (Leverkuzen) klubunun baş məşqçisi Xabi Alonsonun Bakıda mətbuat konfransı olmayacaq.
“Qafqazinfo” xəbər verir ki, buna səbəb komandanın Azərbaycana noyabrın 8-i axşam saatlarında gəlməsidir.
Leverkuzen təmsilçisi bununla bağlı UEFA-dan xüsusi icazə alıb.
Qeyd edək ki, “Qarabağ” – “Bayer” görüşü noyabrın 9-da saat 21:45-də Tofiq Bəhramov adına Respublika stadionunda keçiriləcək.