“Samsung” yeni smartfonu təqdim etdi

samsung-yeni-smartfonu-teqdim-etdi
Oxunma sayı: 1682

“Samsung” şirkəti fevralda təqdim edilən “Galaxy M30” smartfonunun modifikasiya edilmiş versiyası olan yeni “Samsung Galaxy A40s” modelini nümayiş etdirib.

“Qafqazinfo” “ICTnews”a istinadən xəbər verir ki, yeni qurğu HD (1560 х 720 piksel) təsvir ölçülü 6,4 düym diaqonallı “Super AMOLED Infinity-V” ekranla təchiz olunub.

Displeyin yuxarı hissəsinə damcıvarı şəkildə olan maksimal f/2,0 diafraqmaya malik 16 meqapikselli ön kamera quraşdırılıb. Smartfonun əsasını 1,8 QHs takt tezlikli səkkiznüvəli “Exynos 7904” prosessoru təşkil edir. Operativ yaddaş tutumu 6, quraşdırılmış isə 64 giqabayta bərabərdir.

Arxa kamera 13 və 5 meqapiksel təsvir ölçülü qoşa ötürücülərdən ibartədir. Akkumulyator tutumu 5 min milliamper/saata bərabər modelin qabaritləri 158,4 х 74,9 х 7,4 mm, çəkisi 174 qram təşkil edir.

“Samsung Galaxy A40s” smartfonu 220 dollar qiymətləndirilir.