Şairə və tərcüməçi Zinaida Mirkina Moskvada 92 yaşında dünyasını dəyişib.
“Qafqazinfo” Rusiya KİV-nə isitnadən xəbər verir ki, bu barədə yazıçının adına olan sosial şəbəkədə məlumat yayılıb.
Mirkina ilə vida mərasimi sentyabrın 24-də Ədəbiyyatççıların Mərkəzi Evində keçiriləcək.
Qeyd edək ki, əsərlərini 50-ci illərdən çap etdirməyə başlayan Zinaida daha çox orta əsrlər İslam poeziyasından, habelə Rabindranat Taqor və Rayner Mariya Rilkedən tərcümələri ilə məşhurdur.
O, 2013-cü ildə dünyasını dəyişən filosof Qriqori Pomerantsın həyat yoldaşıdır.