IBM şirkəti Bakı Ali Neft Məktəbi ilə əlaqələrini genişləndirir
IBM şirkətinin vitse-prezidenti Rac Rayçura Bakı Ali Neft Məktəbində (BANM) olub və Ali Məktəbin rəhbərliyi və professor-müəllim heyəti ilə görüşüb.
“Qafqazinfo” xəbər verir ki, görüş zamanı BANM-in rektoru Elmar Qasımov BANM-in məqsəd və hədəfləri, eləcə də enerji, avtomtlaşdırma və İKT sahəsində fəaliyyət göstərən müxtəlif yerli və beynəlxalq şirkətlərlə sıx əməkdaşlığı haqqında danışıb. Ali Məktəbin yaradılmasında əsas məqsədin yerli və beynəlxalq əmək bazarında yüksək ixtisaslı, müasir biliklərə yiyələnmiş, ingilis dilli və geniş dünyagörüşlü mütəxəssislərə olan ehtiyacın ödənilməsi üçün mühəndis kadrların hazırlanması olduğunu qeyd edən rektor IBM şirkəti ilə daha geniş səviyyədə əməkdaşlıq üçün BANM-də hərtərəfli imkanların mövcud olduğunu deyib.
IBM şirkətinin vitse-prezidenti Rac Rayçura bu sahədə çoxsaylı perspektivlərin olduğunu deyib. O, xüsusilə IBM-in BANM-in yeni kampusunda yaradılacaq laboratoriyalarda kadr hazırlığı prosesinə ən müasir texnika və texnologiyalarının dəstəyi ilə mühüm töhfə verə biləcəyini vurğulayıb.
Görüşdə, həmçinin qarşılıqlı maraq doğuran məsələlər və ikitərəfli əməkdaşlığın daha geniş inkişaf perspektivləri barədə müzakirələr aparılıb.
Son Xəbərlər
- 1
- 2
- 3
- 4
- 5
- 6
