90-cı illərin məşhur türk pop ulduzlarından Burak Kut uzun fasilədən sonra musiqiyə qayıtmağa hazırlaşır. 53 yaşlı müğənni yenidən konsertlər verəcəyini və yeni mahnılar yayımlayacağını açıqlayıb.

“Qafqazinfo” xəbər verir ki, Burak Kut “Bambaşka sohbetler” verilişində qonaq olub və musiqi karyerasından, uzun müddət səhnədən uzaq qalmasından danışıb.

B.Kut populyar mədəniyyətdəki karyerasını Elvis Presli, Maykl Cekson və Castin Biber kimi dünya ulduzları ilə müqayisə edib: “Qlobal dünyadan karyeramı Elvis Presli, Maykl Cekson və Castin Biberlə müqayisə edirəm. Bu, həm də 90-cı illərin sehri, özəl televiziya kanalları və bəlkə də, içimdəki uşaq ehtirası ilə bağlıdır”.

Burak Kut səhnəyə qayıtmaq qərarının şəxsi səbəblərindən də danışıb. Müğənni 16 yaşlı qızının onun musiqi fəaliyyətinə qayıtmasında mühüm rol oynadığını bildirib.

“Mən bir çox müxtəlif üslubda mahnılar bəstələmişəm. Təxminən 100 bəstəm var. Onları yeni nəslə uyğun şəkildə hazırlamışam. Xeyli sayda mahnı toplamışam; hazırda studiyada qaynayan bir qazan var. Onları 2026 və 2027-ci illərdə buraxmağı düşünürəm”, - deyə Kut bildirib.

Uzun müddət səhnədən uzaq qalmasına toxunan sənətçi deyib: “Əvvəllər yadlaşmışdım. Qızımın atasının kim olduğunu bilməsini istəyirəm. Qızımın 16 yaşı var”.

B.Kut illərdir onu dəstəkləyən pərəstişkarlarının sevgisini də unutmadığını vurğulayıb: “İllərdir məni heç vaxt unutmayan insanlar var və mən onların qeyd-şərtsiz sevgisindən utanmışam. Bu, onlara qarşı bir əvəz kimidir; hesabı həll etmək istəyirəm”.

Müğənni bundan sonra aktiv şəkildə səhnədə olacağını və yeni mahnılar təqdim edəcəyini açıqlayıb: “Həmçinin istəyirəm ki, qızım atasının fərqliliklərini və xüsusi istedadlarını görsün. Bundan sonra daim konsertlər verəcəyəm və mahnılar təqdim edəcəyəm”.