ABŞ Konqresi Trampa qarşı hərəkətə keçdi - İrana görə
ABŞ Prezidenti Donald Trampın İrana qarşı hərbi əməliyyat başlatmaq səlahiyyətinin məhdudlaşdırılması üçün ABŞ Konqresi qanunvericiləri Vaşinqtona çağırıb.
“Qafqazinfo” xəbər verir ki, bir çox Demokrat Partiyası üzvü hücum hazırlıqlarını qanunsuz və Konstitusiyaya zidd hesab edir.
Demokratlar iddia edirlər ki, Tramp İrandan gələn riskləri şişirdir və Amerika xalqı başqa bir “sonsuz müharibə” istəmir.
ABŞ Konstitusiyasına görə, müharibə elan etmək səlahiyyəti birbaşa Konqresə məxsusdur, prezidentə deyil.
1973-cü il Müharibə Səlahiyyətləri Qanunu prezidentə müəyyən hallarda hərbi əməliyyatlar başlatmağa icazə versə də, Konqresə məlumat verilməsini tələb edir. Bildiriş verilmədikdə və ya təsdiq alınmadıqda, qoşunlar 60 gün ərzində geri çəkilməlidir.
Müxaliflər bildirirlər ki, prezident yalnız ABŞ-nin birbaşa hücum altında olduğu hallarda əməliyyatlara rəhbərlik edə bilər, lakin İranın ABŞ üçün real təhlükə yaratdığı iddiasını dəstəkləyən heç bir konkret dəlil təqdim olunmayıb.
Son Xəbərlər
- 1
- 2
- 3
- 4
- 5
- 6
