Bu sürətlə getməsəz, cərimələnəcəksiz - Sürücülərin diqqətinə!
Bakının əsas prospektlərindən sayılan Heydər Əliyev prospektində sürət həddi endirilib.
“Qafqazinfo” xəbər verir ki, sürət yolun 110 km/saatlıq hissəsində 90 km/saat, 90 km/saatlıq hissədə isə 70 km/saat olaraq dəyişdirilib.
Qeyd edək ki, bir neçə gün öncə Bakı Nəqliyyat Agentliyinin sədri Vüsal Kərimli paytaxt ərazisində yol nəqliyyat hadisələrinin qarşısının alınması məqsədilə 14 yolda sürət hədlərinin endirilməsi ilə bağlı təkliflər hazırlandığını açıqlamışdı.
Heydər Əliyev prospektindən sonra mərhələli şəkildə digər küçə və prospektlərdə də sürət həddinin endirilməsinə dair müvafiq yol nişanları quraşdırılması nəzərdə tutulub.
Həmçinin oxuyun: Макрон во время интервью снял дорогие часы - Видео
***
Məsələ ilə bağlı Bakı Nəqliyyat Agentliyi də açıqlama yayıb.
BNA-dan “Qafqazinfo”ya verilən məlumata görə, sözügedən yol sahələrində mərhələli şəkildə müvafiq yol nişanları quraşdırılmasına başlanılıb.
Maksimum sürət həddini göstərən yol nişanları ilk olaraq Heydər Əliyev prospekti, Mərdəkan şosesi-Zuğulba yolu, Mikayıl Əliyev prospekti və Bibiheybət yollarında quraşdırılır.
Son Xəbərlər
- 1
- 2
- 3
- 4
- 5
- 6
