Azərbaycanda illik inflyasiya faizi açıqlandı
Ötən il Azərbaycanda illik inflyasiya 4,9% olub.
“Qafqazinfo” xəbər verir ki, bu, Nazirlər Kabinetinin 2024-cü ildə fəaliyyəti haqqında hesabatında öz əksini tapıb.
Dövlət Statistika Komitəsinin məlumatına əsasən, 2024-cü ilin dekabr ayında cəmi məhsul və xidmətlər üzrə illik (12 aylıq) inflyasiya 4,9%, o cümlədən ərzaq məhsulları, içkilər və tütün məmulatları üzrə 5,5%, qeyri-ərzaq məhsulları üzrə 2,4%, xidmətlər üzrə isə 6,3% təşkil edib.
Qiymətləri dövlət tərəfindən tənzimlənən məhsullar və xidmətlər, həmçinin mövsümi xarakter daşıyan kənd təsərrüfatı məhsulları nəzərə alınmadan hesablanan illik baza inflyasiyası isə 2024-cü ilin dekabr ayında 4,4% olub.
Nuranə Daxilqızı
Son Xəbərlər
- 1
- 2
- 3
- 4
- 5
- 6
