Bu gündən Azərbaycanda məktəblər açılır

Bu gündən Azərbaycanda məktəblər açılır
Oxunma sayı: 1115

Bu gündən Azərbaycanda yeni tədris ili başlayır.

"Qafqazinfo" xəbər verir ki, yeni tədris ilinin başlaması ilə ölkədə bütün məktəblərdə I-IV siniflərdə dərslər bərpa olunur.

V-XI siniflərdə əyani təhsil isə 29 sentyabr tarixindən başlayacaq.

Ali təhsil müəssisələri, kolleclər və digər təhsil müəssisələri də sentyabrın 29-dan açılacaq.

Qeyd edək ki, yeni tədris ilində 158 608 şagird birinci sinfə gedəcək. 2021-2022-ci tədris ilində respublikanın ümumi təhsil müəssisələrində ümumilikdə 1 589 829 şagirdin təhsil alacağı proqnozlaşdırılır.

Ümumtəhsil məktəblərinin I sinfində 158 608, IX sinfində 132 881, XI sinfində isə 91 538 şagird təhsil alacaq. Respublika üzrə ümumi təhsil müəssisələrinin məktəbəhazırlıq qruplarında 117 176 şagirdin təhsilə cəlb olunacağı gözlənilir.