“Bu qanun ukraynalaşmağa qarşı yönəlib”
“Gürcüstanın “Xarici təsirin şəffaflığı haqqında” qanun layihəsi respublikanın ukraynalaşmasına qarşı yönəlib”.
“Qafqazinfo” “Sputnik Gürcüstan”a istinadən xəbər verir ki, bunu Gürcüstanın Baş naziri İrakli Kobaxidze deyib.
“Əgər QHT-lər 2020-2022-ci illərdə fəal şəkildə etməyə çalışdıqlarına, yəni inqilab yolu ilə hakimiyyəti dəyişməyə nail olsaydılar, bu gün Gürcüstan Ukraynadan da pis vəziyyətdə olardı”, - hökumət başçısı bildirib.
Xatırladaq ki, Gürcüstan parlamenti bu gün sözügedən qanun layihəsini birinci oxunuşda qəbul edib. Sənəd hələ ikinci oxunuşda da qəbul olunmalıdır. Bununla bağlı dinləmələr mayın 17-də baş tutacaq.
