Cəlilabad rayonunda yol-nəqliyyat hadisəsi baş verib.
“Qafqazinfo” xəbər verir ki, hadisə rayonun Abışabad kəndində qeydə alınıb.
Belə ki, minik avtomobillərinin toqquşması nəticəsində 4 nəfər xəsarət alıb.
Yaralılar Cəlilabad Rayon Mərkəzi Xəstəxanasına çatdırılıb.
Faktla bağlı araşdırma aparılır.
***
Qəzada xəsarət alanların şəxsiyyəti məlum olub.
Onların hamısı Cəlilabad rayon sakinləridir: 1962-ci il təvəllüdlü Fəxrəddin Fərəcov, 1990-ci il təvəllüdlü Aygül Əliyeva,1982-ci il təvəllüdlü Seymur Əliyev və 2017-ci il təvəllüdlü Seyidağa Əliyev.
Faktla bağlı araşdırmalar davam etdirilir.
Surxay Şahbazov