Ərdoğandan dünya gündəmi ilə bağlı təsirli çıxış - Video
Türkiyə Prezidenti Rəcəb Tayyib Ərdoğan 10-cu Milli İradə İftar Proqramında çıxış edərək, regionda baş verən qanlı hadisələr və İrana qarşı davam edən hərbi əməliyyatlarla bağlı mühüm mesajlar verib.
“Qafqazinfo” xəbər verir ki, dövlət başçısı Türkiyənin bu gərginlikdən qorunmasının vacibliyini vurğulayıb:
“Ölkəmizi bu yanğın ocağından uzaq tutmaq bizim əsas prioritetimizdir. Həmçinin sizdən İrana hücumlarla eyni vaxtda qızışdırılan məzhəb və etnik əsaslı təxribatlara qarşı çox diqqətli olmağınızı xahiş edirəm”.
İslam dünyasının Ramazan ayını ağrı və göz yaşı içində keçirməsindən kədərləndiyini deyən Ərdoğan Qəzzada yaşanan faciəyə və uşaq ölümlərinə də toxunub:
“Səhər məktəbə xoşbəxt gedən uşaqların axşam evə qayıda bilmədiyi bir dünyada bütün dənizlərin mavi olub-olmamasının nə fərqi var? Altı yaşlı qızların 335 güllə ilə öldürüldüyü bir dünyada bütün dənizlərin mavi olub olmamasının nə fərqi var?”.
Dünyanın bu əzablara qarşı laqeydliyini tənqid edən prezident Türkiyənin sülh naminə uzunmüddətli mübarizəyə hazır olduğunu qeyd edib:
“Buradakı hər bir qardaş və bacımın bilməsini istəyirəm ki, biz uzun və çətin bir səyahətə çıxmışıq. Uzunmüddətli mübarizə üçün qollarımızı çırmalamışıq. Bütün səylərimiz müqəddəs və hörmətli məqsədimizin qələbəsi üçündür”.
Son Xəbərlər
- 1
- 2
- 3
- 4
- 5
- 6
