8 Mart bayramı münasibətilə Ramiz Rövşənin “Azad qadın heykəli” şeirini “Kitab evi“nin oxucularına təqdim edirik:
“Azad qadın heykəli”
Yox, sənin canın da daşdan deyilmiş
Gör səni nə günə qoydular, Qadın?!
Əvvəlcə çadranı açdılar sənin… …
Sonra paltarını soyundurdular…
Sora səni soğan kimi qat qat soydular, Qadın!
Zalımların gözüdə yaşarmadı
Bu quldurlar içində de,
Səni soymağı, kim bacarmadı?
Bir sevginin işıği düşmüşdü üz-gözünə,
soydular…
O ışığı da soydular,
Qurmadığın ev eşiyi
Doğmadığın uşağıda soydular….
Gör səni nə günə qoydular, Qadın?!
Sonra abrın, həyan soyuldu getdi,
Sonra səbrin, dözümün
Göz yaşlari taladı…soydu getdi gözünü…
Gözlərin lüm-lüt qaldı…
Sonra gözlərindən öptülər yenə….
Adına nəğmələr goşdular Qadın…
Səndən ötrüymüş, sən demə
İnqilablar…savaşlar…
Axan qanlar, kəsilən başlar, Qadın!
İnqilabı neynirsən ki?
Sən özün ingilabsan,
Sən başdan ayağa oxunmamış kitabsan!
Kimsə səni gözlərindən oxumağa başladi
Kimsə ayaqlarından…
Amma heç kəs oxuyub sona çatmadı
Ortada ilişib qaldı hamısı…
Nə üstdən aşağıya, baxırsan bizə?
Yoxsa bizi də sən doğmusan Qadın?
Sənin doğduqların azad deyilsə
Özün necə azad olmusan Qadın?
Yox…. sənin azadlığın yarımçıqdı deməli?
Sən də yarımçıqsan, biz də yarımçıq
Yaxşımız da, pisimiz də yarımçıq.
Sən bizi təzədən doğ, azad qadın heykəli
Amma cırtdan doğma,
Sən bizi div doğ!
Amma yarımçıq yox,
Bizi bütöv doğ…
Onda sən də tamam azad olarsan
Ey mənim daş anam Azad Olarsan..
"Qafqazinfo" bu məqamda fotoqraf Elnur Muxtarın "Azərbaycan qadınları" ilə bağlı hazrladığı fotosessiyanı təqdim edir: