Kadi Borges ÇL-in iştirak ərizəsindən çıxarıldı - Onu Montiel əvəzlədi
“Qarabağ” zədələnərək 2 aylıq sıradan çıxan Kadi Borgesi Çempionlar Liqasının iştirak ərizəsindən çıxarıb.
“Qafqazinfo” UEFA-nın rəsmi saytına istinadən xəbər verir ki, Ağdam klubu braziliyalı yarımmüdafiəçini ispan futbolçu Joni Montiellə əvəzləyib.
J.Montiel ÇL-in növbəti turunda “Napoli” ilə matçda Qurban Qurbanovun sərəncamında olacaq.
UEFA İcraiyyə Komitəsinin yayda çıxardığı qərara əsasən, avrokuboklarda bir futbolçu ən azı 2 aylıq sıradan çıxsa, onu iştirak ərizəsində başqası əvəzləyə bilər.
Qeyd edək ki, Kadi Borges Çempionlar Liqasının 4-cü turunda “Çelsi” ilə matçda zədələnib və 2 aylıq sıradan çıxıb.
Xatırladaq ki, “Qarabağ” noyabrın 25-də Çempionlar Liqasının Liqa mərhələsinin V turunda İtaliyada “Napoli”nin qonağı olacaq.
Son Xəbərlər
- 1
- 2
- 3
- 4
- 5
- 6
