Lukaşenkonun təklifinə Kremlin cavabı gecikmədi
“Müharibəni eskalasiya başlamamış dayandırmaq lazımdır”.
“Qafqazinfo” “Sputnik Belarus”a istinadən xəbər verir ki, bu sözləri Belarus Prezidenti Aleksandr Lukaşenko xalqa və parlamentə müraciətində bildirib.
“Döyüşlərin dayandırılmasını, hər iki tərəfdən qoşunların köçürülməsi, yenidən qruplaşdırılması, silah-sursat və hərbi texnikanın yerdəyişməsi hüququ olmadan sülh elan etməyi təklif etməyə cəhd edəcəyəm”, - deyə o əlavə edib.
Onun bu təklfiinə Kremlin cavabı gecikməyib. Rusiya Prezidentinin mətbuat katibi Dmitri Peskov bildirib ki, Rusiya və Belarus Prezidentləri Vladimir Putin və Aleksandr Lukaşenko Belarus liderinin Ukraynada sülh elan olunması haqda ideyasını İttifaq Dövlətinin Ali Dövlət Şurasının iclasında, çox güman, müzakirə edəcəklər:
“Sözsüz ki, biz Aleksandr Qriqoryeviçin bəyanatını eşitmişik. İki prezident, mən Putin və Lukaşenkonu nəzərdə tuturam, gələn həftə ünsiyyəti davam etdirəcəklər. Məhz gələn həftə İttifaq Dövlətinin Ali Dövlət Şurasının iclası olacaq. Bu, prezidentlərə bir-biri ilə ətraflı danışmağa bir daha imkan yaradacaq. Çox güman, bu mövzunu da müzakirə edəcəklər”.
Son Xəbərlər
- 1
- 2
- 3
- 4
- 5
- 6
