“O da postundan getmək istəmirdi, lakin bunu etməli oldu”
“Ktriç Nersisyan (bütün ermənilərin katolikosu II Qaregin – red.) öz postunu tərk etməli olacaq”.
“Qafqazinfo” xəbər verir ki, bunu Ermənistan Baş naziri Nikol Paşinyan brifinqdə deyib.
“Deyirsiniz ki, Ktriç Nersisyan vəzifəsini tərk etmək niyyətində deyil. Biz elə etmək istəyirik ki, o öz niyyətindən daşınsın. Heç kimin getmək istəyi olmur. Serj Sarkisyanın (ölkənin keçmiş prezidenti - red.) da getmək niyyəti yox idi, lakin bunu etməli oldu. Ktriç Nersisyan da postunu tərk etməli olacaq” – Paşinyan bildirib.
Onun sözlərinə görə, bu proses sarsıntısız həyata keçiriləcək.
Xatırladaq ki, 2025-ci ilin dekabrın 8-də N.Paşinyan II Qareginin devrilməsindən sonra tətbiq ediləcək “Erməni Apostol Kiləsinin yenilənməsinə dair” plan təqdim edib. Yeni plan yanvarın 4-də Paşinyan və 10 yepiskop tərəfindən imzalanıb.
Son Xəbərlər
- 1
- 2
- 3
- 4
- 5
- 6
