“Qalatasaray” 25-ci dəfə Türkiyə çempionu oldu
Türkiyə Super Liqasında XXXVI tura yekun vurulub.
“Qafqazinfo” xəbər verir ki, bu gün keçirilən matçda lider “Qalatasaray” doğma meydanda “Kayserispor”u qəbul edib.
Qarşılaşmanın 26-cı dəqiqəsində Viktor Osimhenin qolu ilə 1-0 önə keçən “Cimbom” 3 dəqiqə sonra Barış Alper Yılmazın qolu ilə hesab arasındakı fərqi artırıb.
İlk hissəni 2:0 hesablı üstünlüklə bitirən “Qalatasaray” ikinci hissədə rəqibinə qol vurmağa imkan verməyib.
“Qalatasaray” matçın 89-cu dəqiqəsində qapıçı Fernando Musleranın penaltidən vurduğu qolla hesabı 3:0-a çatdırıb.
Bu nəticə ilə meydan sahibləri Superliqada 28-ci qələbəsini qazanıb. “Sarı-qırmızılar” 5 heç-heçə və 1 məğlubiyyətlə xallarını 89-a çatdırıb. Bununla da “Qalatasaray” sona 2 tur qalmış ən yaxın izləyicisi “Fənərbaxça”nı 8 xal qabaqlayaraq çempionluğu təmin edib.
Son Xəbərlər
- 1
- 2
- 3
- 4
- 5
- 6
