Rusiya qisas əməliyyatı keçirdiyini açıqladı - 600-dən çox ukraynalı hərbçi ölüb

rusiya-qisas-emeliyyati-kecirdiyini-aciqladi
Oxunma sayı: 7869

Rusiya ordusu Ukrayna Silahlı Qüvvələrinə qarşı qisas əməliyyatı keçirib.

“Qafqazinfo” xəbər verir ki, bu barədə Rusiya Müdafiə Nazirliyi açıqlama yayıb.

Nazirliyin rəsmi nümayəndəsi, general-leytenant İqor Konaşenkovun sözlərinə görə, Ukraynanın Kramatorskda yerləşən Silahlı Qüvvələrinin müvəqqəti yerləşdirmə məntəqələrinə kütləvi raket hücumu edilib. Nəticədə 600-dən çox ukraynalı hərbçi həlak olub.

Qeyd olunub ki, Kramatorsk şəhərinin 28 saylı yataqxanasında 700-dən, 47 saylı yataqxanada isə 600-dən çox ukraynalı hərbçi olub.

Konaşenkov bildirib ki, bu, zərbə cavab əməliyyatı çərçivəsində endirilib. 

Nazirlik rəsmisi Ukrayna ordusunun yanvarın əvvəlində Makeyevka şəhərində Rusiya hərbçilərinin yerləşdiyi bölgəyə raket hücumu həyata keçirilməsini xatırladıb.

Qeyd edək ki, Makeyevkaya edilən hücum nəticəsində 89 rus hərbçisi həlak olmuşdu.