Rusiyanın Orenburq vilayətinin Orsk şəhərində su bəndi tamamilə uçub.
“Qafqazinfo” TASS-a istinadən xəbər verir ki, Ural çayı üzərində yerləşən bu bənd su axınına tab gətirə bilməyib və nəticədə dağılıb.
Bildirilir ki, sutka ərzində Aktyubin su anbarında suyun həcmi 3 dəfə artıb.
Ümumilikdə isə Orskda daşqın səbəbindən 2400-dən çox evi su basıb. Ərazidən 711 nəfər təxliyə edilib.
Məlumata görə, şəhərdə 3 nəfərin cəsədi aşkar edilib. Hazırda onların ölüm səbəbi araşdırılır.