Səbuhi Məmmədlinin vəziyyəti pisləşib - Yenilənib

sebuhi-memmedlinin-veziyyeti-pislesib
Oxunma sayı: 3741

Tanınmış jurnalist Səbuhi Məmmədlinin vəziyyəti pisləşib. 

“Qafqazinfo” xəbər verir ki, bu barədə Tibbi Ərazi Bölmələrini İdarəetmə Birliyi (TƏBİB) məlumat yayıb. 

Bildirilib ki, jurnalist Səbuhi Məmmədli bu gün saat 10:25 radələrində M.Ə.Mirqasımov adına Respublika Klinik Xəstəxanasının Təcili tibbi yardım şöbəsinə yerləşdirilib:

“Qəflətən ürəyi dayanan Səbuhi Məmmədlinin ürək fəaliyyəti həkimlərin səyi nəticəsində bərpa olunub və Reanimasiya şöbəsinə yerləşdirilib.

Kəskin tənəffüs çatışmazlığı diaqnozu qoyulan Səbuhi Məmmədlinin vəziyyəti kritik ağır qiymətləndirilir.

Bildirilib ki, Səbuhi Məmmədli “Xroniki böyrək çatışmazlığı üzrə Tədbirlər Proqramı” çərçivəsində hemodializ müalicəsi alır”.

Xatırladaq ki, S.Məmmədli daha əvvəl hər iki ayağın amputasiyası əməliyyatı keçirib.

***

Tanınmış jurnalist Səbuhi Məmmədli “Yeni Klinika”ya köçürülüb. Hazırda ona zəruri tibbi xidmətlərin göstərilməsi davam etdirilir.