Teleqüllənin vurulması zamanı ölənlərin sayı açıqlandı - Yenilənib
Rusiyanın Kiyevdəki teleqülləni vurması nəticəsində beş nəfər ölüb.
“Qafqazinfo” xəbər verir ki, bunu Ukrayna Prezidenti Volodimir Zelenski öz Tvitter hesabında yazıb.
“Dünyaya: Babi Yarın eyni yerinə bomba düşəndə dünya susursa, 80 il “bir daha heç vaxt” deməyin nə mənası var? Ən azı beş nəfər həlak olub. Tarix təkrarlanır”, - Prezident bildirib.
Ukraynanın XİN rəhbəri Dmitri Kuleba da bu barədə paylaşım edib:
“Yenicə Rusiya raketi ilə vurulan Kiyev teleqülləsi Babi Yar ərazisində yerləşir. 1941-ci il sentyabrın 29-30-da nasistlər burada 33 mindən çox yəhudini qətlə yetiriblər. 80 il sonra rus nasistləri ukraynalıları məhv etmək üçün eyni torpaqları vururlar”.
***
“İşğalçıların Kiyev televiziya qülləsini atəşə tutması nəticəsində 5 nəfər həlak olub, 5 nəfər yaralanıb”.
Bu barədə Ukrayna Dövlət Fövqəladə Hallar Xidmətinin feysbuk səhifəsində məlumat verilib.
