“Türkiyə bölgədəki son vəziyyəti yaxından izləyir”

turkiye-bolgedeki-son-veziyyeti-yaxindan-izleyir
Oxunma sayı: 1806

“Türkiyə Qarabağdakı antiterror tədbirlərindən sonra bölgədəki son vəziyyəti yaxından izləyir”.

“Qafqazinfo” xəbər verir ki, bu barədə Türkiyə Milli Müdafiə Nazirliyinin media və ictimaiyyətlə əlaqələr üzrə müşaviri Zeki Aktürk bildirib.

O qeyd edib ki, Türkiyə Azərbaycan və Ermənistan arasında daimi sülhün bərqərar olması səylərini dəstəkləyir: “Türkiyə Azərbaycanla “bir millət, iki dövlət” şüarı ilə birlikdə hərbi təlim, yardım və məsləhətçilik fəaliyyətlərini davam etdirir”.

“Qəhrəman Azərbaycan ordusunun 30 ildir işğal altında olan torpaqlarını azad etmək üçün başlatdığı, 44 günlük Vətən müharibəsinin üçüncü ildönümü və 27 Sentyabr - Anım Günü münasibətilə Azərbaycanın müstəqilliyinin və ərazi bütövlüyünün təmin edilməsi uğrunda canlarını fəda edən bütün şəhidlərimizi yad edirik”, - deyə Aktürk əlavə edib.