Uranla bağlı prosesə Çin də qoşuldu
“Çin İrandan yüksək dərəcədə zənginləşdirilmiş uranı qəbul etməyə və ya onun səviyyəsini azaltmağa hazırdır”.
“Qafqazinfo” xəbər verir ki, bunu “Associated Press”ə Pekinin mövqeyi ilə tanış olan bir diplomat bildirib.
Qeyd edilib ki, söhbət ABŞ Prezidenti Donald Trampın müharibəyə son qoymaq üçün mümkün razılaşmanın bir hissəsi kimi İrandan çıxarılmasını istədiyi təxminən 970 funt (440 kiloqram) zənginləşdirilmiş urandan gedir.
Hazırda isə Trampın ötən ilin iyun ayında ABŞ bombardmanı nəticəsində ciddi zədələndiyi deyilən nüvə obyektlərinin altında qalan bu materialın birbaşa ABŞ tərəfindən götürülməsini istədiyi bildirilir.
Diplomatın sözlərinə görə, Vaşinqton və Tehran uranı mülki məqsədlər üçün istifadə edilə biləcək səviyyəyə endirmək və ya qarışdırmaq qərarına gəlsə, Çin bu prosesdə iştirak etməyə açıqdır. Mənbə həssas məsələ ilə bağlı açıq danışmaq səlahiyyəti olmadığı üçün anonim qalmaq istəyib.
Xatırladaq ki, 2015-ci ildə Birgə Hərtərəfli Fəaliyyət Planı çərçivəsində İran sazişin tələblərini yerinə yetirmək məqsədilə Rusiyaya təxminən 25 min funt (11 min kiloqram) az zənginləşdirilmiş uran göndərmişdi.
Son Xəbərlər
- 1
- 2
- 3
- 4
- 5
- 6
